剪利筋後遺症

Dec 16 10am 做手術後, 11:30am回婆婆家, 之後食咗一餐奶, 食得好慢, 可能個口仲痛啦..... 食完就poopoo咗1次, d便便有d黑色添, 之後都一路有poopoo, 全個下午至夜晚total poo咗4次
Dec 17 poo咗7次, 便便有d "lim"嘢.
Dec 18 朝早已經poo咗2次, 所以都要帶佢去睇醫生, 打去醫院耳鼻喉科, 姑娘話一定唔關個手術事, 我本來係擔心佢手術前食果d藥水搞到佢敏感, 但個姑娘就好firm咁話唔會喎.... 於是就番去睇番個兒科Dr Lau, 我帶埋d便便俾佢睇, 佢話唔算好差, 佢聽下佢個肚話d腸又唔係郁得好快, 可能d腸有少少發炎, 但佢咁細都唔會開藥俾佢食, 建議種菌, 因為只係痾唔知會唔會有咩病毒或者細菌..... 或者可以幫佢轉飲豆奶試下睇下會唔會好d..... 今日全日poo咗6次
Dec 19 今日去咗買豆奶, 我諗小寶食得出唔同, 因為佢食時皺眉頭, 我估都唔多好食囉.... 今日poo咗10次
Dec 20 poo咗9次, 成個pat都紅晒, 真陰公!! 轉咗豆奶好似仲差咗, d便便水咗, 所以我同媽咪商量過都係轉番奶粉..... 但係咁樣痾法真係擔心死人, 所以都要再去睇多次醫生, 但我又唔想再睇Dr Lau, 佢好似頗求其囉, 於是上網搵下兒科醫生兼睇下評語, 搵咗一個莫子慈醫生, 網上既comment都好好
Dec 21 10am打去康健醫務中心預約睇莫醫生, 約到最快11:40am
去咗登記咗仲要等多9個先到我地睇..... 康健係大概10年前已經有, 我都有去睇過, 不過而家擴充得好勁, 去睇既人亦都好多, 好多人戴住口罩, 呢樣嘢係我最唔鐘意, 因為真係好恐佈, 好多菌, 仲有個細路响門口嘔, 嚇死我...... 好在佢開响商場入面, 媽咪可以抱小寶周圍行下, 唔駛焗响裡面等, 我就响門口等嗌名..... 9個都唔係等咗好耐, 大概12:15pm已經可以見醫生....
我同莫醫生講晒成個story, 佢問我點解要同佢去剪利筋 (佢個語氣係話俾我知我唔應該同佢做囉, 我解釋話睇過專科醫生都話佢好大機會黐利筋所以就襯佢細個做咗佢, 佢聽完冇俾反應, 亦冇話我做得啱定唔啱..... 但睇得出佢係否定我既做法囉.....) 莫醫生好細心咁同佢檢查過, 佢開咗d腸胃藥粉, 止肚痛肚風藥水俾小寶, 佢話d藥好輕, 唔會一食就止痾, 只係可以幫佢舒緩下, 佢仲建議種菌, 因為要種菌先可以確定佢裡面有冇細菌然後先可以對症下藥, 而家最驚係洛沃克病毒或者係黃金葡萄球菌, 所以我都決定要種菌! 醫生仲健議將d奶粉開稀d, 我地照做, 今日poo咗6次
Dec 22 poo咗6次, 但唔同前幾日不定時咁痾, 都係飲完奶先痾, 莫醫生話係正常, 因為一食咗奶入去條腸會移動就會刺激到佢
Dec 23 poo咗3次, 已經好番好多
Dec 24 暫時只係尋晚半夜3點幾飲完奶痾咗1次

希望小寶真係已經好番, 種菌報告出黎一切正常就好喇!!
今日係平安夜, 今年係第一年同bb一齊過christmas, 雖然佢仲咁細個, 未能夠感受到節日氣氛, 但我仍然好期待!
Aiden, Merry first Christmas!!

aiden laughs in his dream

Last nite, aiden was not having a good sleep(I thought it's because the fear of being forced during the tongue tie operation), he was awake at around 1 sth then I cuddled him a bit and tried to comfort him.....
suddenly I heard him laughing, very cute voice, I thought he was having a happy dream, haha, he suddenly laughed while I was very very tired, it ended up made me feel so sweet and awake~~
Usually he looks cool, only make some funny face expressions, and move his eyeballs in different directions..... rarely smiles........ I don't understand!! Hope that he would be a happy boy and smile more......

Release Tongue Tie Operation

尋晚幾經辛苦, 3am先瞓得著........
搞到今朝幾經辛苦先起到身, 都已經8am.........
拿拿聲起身梳洗, around 8:45am出門口....... 落到街...... 竟然落雨...... 冇帶遮....... 同婆婆一齊出咁多次街都未落過雨, 今日得我地兩仔乸先至黎落雨????

基本上帶咗遮都冇用, 因為根本冇手拎...... 唯有抱實aiden快步行去的士站, 仲得一架的士...... 點知說時遲那時快, 唔知响邊度衝咗一個男子出黎而佢, 係有擔遮既, 佢望一望我兩母子, 就跳咗上的士........ 我有諗過呢個男子上到的士會唔會為佢自己呢種咁冇風度, 咁冇同情心既動作而感到可恥?? 我一定要敎導我既小朋友, 即使只係一個小孩, 都首先要學習禮讓, 尤其是要禮讓有需要既人仕, 巴士地鐵上面都黐晒貼紙, 但時下年青人, 中年人, 無論係咩世代既人都絕少有呢種意識, 我覺得好難過........

Luckily, 都好快就有的士!
去到醫院, 先去1/F"日間手術中心"登記, 登記完個姑娘就點咗個嬸嬸同我落G/F pay deposit 同埋攞藥...... 俾完deposit個嬸嬸叫我坐低等佢攞藥, 其間佢個醫院專用電話響, 電話中人(我估係頭先個姑娘)同佢講話要同bb磅重先, 係喎, 尋日Dr Tsang都講過話要磅咗重先去攞藥, 因為要跟據aiden既重量去開瞓覺藥既! 唉.... 成班人都唔知做乜...... 咁又點番我上1/F磅重, aiden重4.69kg, 個嬸嬸仲响度等我同bb著番件衫, 我咪同佢講, 你唔駛等我啦, 你拎個重量落去藥房攞藥先啦, 我心諗: 我抱住個bb唔落去啦, 我自己亦都識路番番去"日間手術中心"囉!!!! 點知我真係覺得自己做得好啱, 因為我幫bb著好晒衫之後, 個姑娘又話"仲"要量血壓.... 唉.... 做乜事做少少嘢要分幾part黎做?? 不過個姑娘對aiden都好溫柔, 值得讚賞!

搞完晒磅重量血壓, 我就帶番aiden番去"日間手術中心", 跟住有個姑娘帶咗我地入一間房仔, 問我一d基本問題, 例如bb最近呢個星期有冇發燒呀, 有冇離開過香港, 有冇對藥物或食物敏感等等呢d例牌問題...... 跟住就係等d藥送上黎......... 等等等等等........ 到d瞓覺藥黎到時都唔知幾多點, 我聽到d姑娘响出面話"要快d餵喇, 差唔多喇, 要快手d....." 跟住有兩個姑娘入黎, 其中一個姑娘提出幫我餵, 當然佢地餵會比我餵快好多, 老實講我都冇乜信心.....
:( 我估d藥應該幾難食, 因為aiden喊得好嘈, 又每一啖都漏番d出黎, 要食2支針筒咁多......... 食咗起碼有5分鐘, 佢個樣都幾痛苦, 喊到收唔到聲..... 食完姑娘就叫我盡快靄佢瞓..... 盡快? 我盡力啦!! 當時我個心係咁諗: 如果婆婆响度就好喇, 佢應該會好快手囉....... 不過我都不負所託, 响10點前都可以靄到佢瞓, 10:03am Dr Tsang到咗, 到大概10:10am就叫我抱bb過去手術室, 放低咗aiden落手術床之後, 姑娘就用毛巾將aiden捲住, 只係露出個頭, 有成5個姑娘响度, 跟住就叫我出番去頭先間房仔度等...... 幾分鐘之後, 就聽到小寶淒慘既叫喊聲..... 我企咗响房仔既門口度再聽清楚, 究竟係咪我個仔既喊聲呢?? 成間日間手術中心都係得我個仔一個baby, 呢d喊聲梗係佢嫁啦, 姑娘見我呆呆咁企咗响度, 就叫我入番房仔話唔好聽住d喊聲, 我會好心痛, 跟住佢就關咗我度門! 冇錯, 真係會好心痛, 就咁我就企咗响房仔入面眼濕濕, 其實隔住度門都聽到佢淒涼既喊聲囉....... 過咗幾分鐘 (我都唔知係幾多分鐘, 但彷彿係好耐咁)我又開番度門, 想睇下幾時先做完手術出黎, 我真係好心急囉..... 由手術室門口既玻璃窗度見到有個姑娘响度來回踱步, 喊聲停咗, 相信姑娘係抱緊小寶安撫緊佢..... 冇幾耐, 醫生+成班姑娘抱番aiden出黎俾我, 當我抱番佢既時候, 見到佢成個口都係血...... oh my god 我既眼淚又忍唔住流咗出黎..... 點解我小寶咁細個就要受呢個苦?? 醫生話幫佢剪入d費事剪得唔夠入又要黎做多次 (well, 我聽唔明佢講乜, 乜唔係剪夠就得喇咩? 因咩事要剪入d呢? 都唔知會唔會有影響??) 所以有血流要電咗兩下去幫佢止血! 小寶一邊响度喊, 合唔埋個口, 成口血, 我覺得好痛囉...... 跟住醫生叫我抱下佢安撫下佢先, 佢轉頭再黎睇下佢止唔止到血....... 咁我又响度抱住佢靄佢..... 過咗一陣, 個醫生就入黎睇佢, 話冇再流血, 可以俾少少水佢睇下佢飲唔飲, 咁我問佢唔係餵奶咩, 佢話都得, 如果佢係醒既話就可以俾奶佢食...... 跟住佢就話去巡房先, 一陣再黎睇下bb有冇唔舒服..... 咁我就俾咗少少水小寶飲, 佢飲咗少少水跟住我再靄下佢瞓, 後尾瞓著咗我就等醫生黎睇咗佢冇乜特別嘢就帶咗小寶去俾錢攞止痛藥, 就番屋企了! 呢個咁既Dr Tsang話如果冇流血, 個口冇臭味, 冇乜其他異樣就唔駛再番去覆診喎! 如果唔肯食奶就即是代表佢傷口痛, 可以食d止痛藥咁話!

番到屋企飲完奶, 佢都表現得好似唔係幾like, 唔係幾happy, 又keep住勁喊啦..... 可能痛呀!!! 但婆婆話唔駛食止痛藥住, 再睇下先, 我諗係因為婆婆唔想佢一日裡面食咁多藥..... 都啱既, 所以我都聽婆婆話, 睇定d先......

so far 都okay, 剛做完利尖有點紅點都散咗, 利底仲係有一撻白色, 冇再流血, 口亦好香......

唔知係咪錯覺, aiden做完手術條利好似肥咗, 之前一直都覺得係利尖尖咁........ 咦, 終於都有樣嘢係似媽咪喇, hahaha

紀念品(只因為係佢個名所以先留來紀念, 絕非係紀念呢個手術!)

姚霆章

aiden,

Yesterday, Dec 14, daddy and I went to take the Birth Certificate for you aiden boy.
Now finally you have your name 姚霆章, IU TING JEUNG AIDEN

yes finally mommy decided to put "AIDEN" on your Birth Certificate, I was hesitating if I should put "AIDEN" on it because I was worrying if you may not like Aiden this name which we named for you.

Aiden was named when you're still in mommy's tummy, you were about 3 months large..... after the doctor confirmed you're a boy, mommy started to think about your english name and let daddy choose. You would be Jason, Kaiden, Jaiden, Daniel......... but finally daddy only nodded when I suggested "AIDEN"....... this is your name's story.

When you're born, both daddy and mommy think that you look fit this name, really, cuz you're cute and Aiden is a cute name (maybe you do not agree but anyway we think this way)

Hope that you would love this english name when you're growing up, but if you really don't like it and want to change one you like better, mommy would feel okay! Really really, frankly you have your own right to "choose" in your long life, including your name(s)! But better discuss with your daddy before you decided, we just want to be notified, not to vote or to give idea, please bear in mind!

love,
mommy

利筋問題

今日終於去咗仁安睇咗兒科Dr Lau refer 果個耳鼻喉科Dr Tsang, 佢話aiden條利筋係算生得前, 都好大機會會黐利筋...... 佢話個手術好簡單, 可以揀而家做, 亦可以等佢識講嘢時證實咗係黐利筋先做...... (呢d我之前其實都已經考慮過晒, 決定咗襯佢細個做咗佢先約呢位Dr Tsang見面) 我問Dr Tsang可唔可以安排今日即刻做埋, 可惜佢今日appointment full晒, 最快要明天, 所以最後我預約咗明天早上10am

雖然只係小手術, 但都有d嘢要prepare, 好似要aiden空肚去 (呢個真係有難度, 要隻大食豬空肚...... 佢又拆天都似), 仲要早一個hour到, 因為要食少少瞓覺藥, 話等佢暈暈地唔會反抗得咁勁>~< 最後係準備一餐奶奶等佢做完手術出黎即飲, 可以令佢忘記傷痛咁話(呢個响我向第二個出面既醫生查詢時個姑娘亦係咁講)...... 之前個兒科話細個做唔需要落麻醉藥, 原來都係會落少少, 係噴既麻醉藥, Dr Tsang話好安全..... 咁, 我都要信醫生啦.......

unfortunately, 婆婆明天早上亦有一個appointment - 有人黎整屎塔, so 明天只有我自己帶bb去醫院, 唉..... 好擔心添..... 要餵藥(瞓覺藥), 未試過, 唔知自己掂唔掂, 又唔知姑娘會唔會幫手...... 唔知bb會唔會痛呢? 做完手術會唔會唔舒服呢? 食完d瞓覺藥唔知會唔會瞓好耐, 瞓咗做完手術出到黎唔知飲唔飲到奶呢? 咦, 我d新奶樽要啜先出奶嫁喎..... 係咪應該要拎番d舊奶樽出黎用呢? 但係又未消毒添......

我失眠呀!!! 11點幾瞓落床, 到而家2點幾都未瞓得著.......
mommy你要堅強d呀, 明天得你一個, 你要照顧小寶嫁..........
okay....... 我會ok的!
daddy呢? daddy出咗trip呀, 去咗上海, 要thursday先番, 起碼friday先有機會見面了...... 佢都因為呢個手術仔佢唔能夠响我地身邊而非常內疚, 佢真係一個傻daddy, 我地都冇怪過佢...... 不過可能到friday小寶已經唔記得咗佢係乜水lu, 成4日冇見, hohohohoho

滿月

今日係aiden既滿月大日子, unfortunately daddy 病咗........... wed daddy黎食飯已話我知佢作病, 第二日佢已經趕去睇醫生, 佢不斷強調佢唔可以病喎..... 但今日第三日都未有好轉, 希望明天會好d啦..... 應該會既.... 希望在明天吖嘛.......

look at daddy, he looks so sick........ :(

aiden is sleeping, haha funny face~~
P.S. DADDY黎既時候全程有戴mask嫁, 只係影相時除咗咋.....

this is my first cake from mommy, it's yummy but I cannot eat :(

婆婆製造的"紅雞蛋", 滿月必備喎, 整咗成打唔知搵邊個食.....

aiden 滿月時既樣貌~

Aiden's First time of Sleeping @ Home

Last Sat, 帶咗aiden番home, 經過兩日既煎熬, 我發現咗一樣嘢 - 唔可以睇小一個小生命既威力.....

佢可以令一個平時粗枝大葉, 做人做事只會衝衝衝, 例如衝動, 衝鋒陷陣, 衝口而出... 等等.... 既daddy變得好細心, 好有耐性, 真係意料之外!

這兩天, daddy幫了很多很大忙, 餵奶, 掃風, 靄瞓覺...... 連mommy幫bb換片片時daddy都有幫手遞尿片, 濕紙巾同pat pat cream, 真係唔該晒..... many many thanks daddy, you're so nice~~

daddy幫aiden掃風, so sweet~~

music mobile

今日出去洗頭(坐月以來都只係洗咗5次頭:p) 4/5日洗一次都係我既極限...... 一早都計劃咗洗完頭去買咗個music mobile俾aiden豬, 即係掛响床仔度轉轉轉又有音樂果d........

左揀右揀行咗幾間舖先揀到幾個合眼緣既....... 最後揀剩2款出黎 (其實我只係揀吊住既公仔靚唔靚) 有我最鐘意既淺啡色bearbear, 最grand, 另一個係唔知兔仔定咩colorful d但d公仔就好似麻麻地得意 (不過其餘果d仲核突)......

左諗又諗, 記得好似話bb會鐘意d colorful d既嘢......... ???

好啦, 咁就要核突兔仔啦 :(

跟手問下個sales係咪全部d音樂都係一樣, 佢話唔係, 咁我問可唔可以試聽啦, 佢話得喎......

當個sales正去拆盒嘢俾我試聽之際, 我見到同一個牌子但唔同款 (我都唔記得個款係有咩唔同, 但個盒係唔同size既), 係小丑公仔又colorful又ok得意喎, 點解頭先睇唔到 -_-""

當個sales番黎既時候我就唯有扮嘢問下佢試晒3款得唔得啦...... 佢話可以喎 :) good

跟住去試聽......... 幾乞人憎呀, 我覺得個至grand bear bear既music係最好聽囉, 叫人點揀啫???

最後...... 我都係買咗個小丑music mobile -_-"

沿路番屋企一路諗唔知小寶會唔會唔like呢個小丑既music呢?? 唉.... 咁我買至grand bear bear咪好囉......

反思: 我呢個小寶究竟會鐘意邊一類既玩具, 邊一類既music, 我到而家都仲未捉到路......... 唉.... 呢個媽咪真失敗!!

咦... 好彩佢都幾鐘意啫.....

I love mama

今日係aiden豬第一次同我示愛, 我覺得好冧呀!!

小寶, 雖然你未識講嘢, 但你對mama既love, mama收到晒!!!!

奶咀 - 給沒有安全感的小寶

已經10日冇寫blog, 湊仔既生活真係唔容易! 每一日既時間都過得好快, 起身, 食早餐, 泵奶, 湊仔, 食晏, 泵奶, 餵奶, 湊仔, 泵奶, 同仔仔沖涼, 餵奶, 湊仔, 食晚飯, 邊睇電視邊湊仔餵奶, 瞓覺, 半夜起身餵奶, 靄豬仔, 瞓覺, 晨早起身餵奶, 靄豬仔, 瞓覺, 跟住又起身, 食早餐.......

日日如是, 只係餵奶既時間會浮動d, 因為仲未fix到個schedule, aiden通常未夠鐘食奶就會嘈, 唔知佢係扭抱定扭食..... 未夠一個月已經俾盡咗佢120ml, 醫生已經話唔可以再加, 因為一個new born既胃仔根本就負荷唔到......

尋日, 全日條友仔都瞓唔到覺, 日喊夜喊, 全日都瞓唔到幾個小時, 我抱就肯定唔制, 連婆婆抱都瞓唔到, 真係冇晒符...... 佢個樣又好似肚餓咁, 但又好似係好眼瞓咁, 真係唔知佢會唔會係有邊度唔舒服...... 到夜晚11點幾佢都係瞓唔到, 我唯有妥協, 出最後一招 - 奶咀, 果然, 佢啜啜下就瞓著咗, 雖然我萬個唔願意, 但都已經冇晒辦法........

平時朝早佢通常都唔願瞓, 要婆婆抱, 就算瞓咗, 放落highchair佢都好快會扎醒, 今日我又出動奶咀, 佢竟然好好瞓, 佢一瞓著我就拎番個奶咀出黎, 但佢就會好快扎醒....

結論: 仔仔係一個好冇安全感既人, 其他環境因素不變, 婆婆繼續响廚房度bing ling bang lan, 但有奶咀安撫住佢竟然可以瞓得好冧....... 當然, 我會盡量嘗試响唔俾奶咀佢既情況下靄佢瞓, 因為真係唔想佢依賴咗個奶咀.... 尋晚真係好迫於無奈, 見到佢瞓唔到覺勁扭計真係戥佢辛苦!!

第二個結論: 如果佢係肚餓, 喊係為咗要食既時候, 塞個奶咀俾佢係唔得既....... 咁為咗要佢瞓番多d, 要食奶咀都冇辦法, 再係瞓得咁少, aiden好快就會好似媽咪咁, 有一對熊貓眼加一對大眼袋..... 咁就唔cute嫁喇 :(

甩臍帶

尋日Nov 21 12:55pm, 同小寶換片片之際, 發現臍帶已經自己甩咗, 終於唔駛有條嘢响度吊吊fing, good!!!

Finally......

終於都成功了!!
around 45 mins pumped 90ml, for both left and right breasts.
For me, it's already a very good result!! I'm very happy about it!!! :)
aiden, 你終於都唔駛捱奶粉喇!!! 下一個目標係可以埋身食, 希望成功啦!!! 加油~~~~

絕密出浴照

尋日, 第一次睇aiden take bath, 個頭仔真係好大bor, 個肚仔都ok吖...... 隻手臂真係誇, 果然係手瓜起展 (响29week時照4D已經見到個手瓜仔hehe 好得意~~)

沖涼都冇喊喎~~ 隻蘭花手真係搞笑~~

呢張個手瓜真係勁~~

慈父

希望你兩仔爺可以一起成長, 見到你地兩個咁sweet, 我真係覺得好滿足!!!

成績

尋晚由8:30pm開始, 一邊按摩乳房, 一邊發現按摩按鬆咗就會自然有奶水流出黎, 之前叫媽咪死揤爛揤揤到痛不欲生都係冇用, 我一邊按, 一邊拎住個奶樽儲起"滴"出黎既奶水, 係咁不停咁儲....... 可惜有時等得左邊滴出黎, 右邊又接唔住, 每每有奶水waste咗或者滴咗落床單度, 我都心痛死...... 一直咁按按到10:30pm夠鐘去餵奶房餵小寶, 我先停止..... 成績就只有咁多:

左手邊果樽係晏晝唔識既時候, 揤出黎, 雖然好少少到好似冇咁, 但其實打側咗個樽都見到有d咁多......

右手邊果樽係830-1030揤出黎既成績, 亦都真係好少, 而且揤完都已經全身乏力, 兼周身骨痛......

拎到過去餵奶房, 個姑娘仲話: 嘩~得咁少咁仲俾唔俾bb食??

我竟然唔係發嬲, 而係響度乞求佢俾我個bb食....... 雖然得咁少我都希望可以俾bb食下母乳, 因為真係"滴滴皆辛苦".....

坐低再捉小寶試埋身餵, 但佢根本就唔肯吸, 唔知係咪食慣咗奶樽, 佢都唔肯好似頭一兩日咁張開嘴去食, 成日避我...... 迫佢兩迫仲發脾氣, 喊到拆天...... 真係弊, 佢肯定係我同victor加埋既咁grumpy, 點算?

谷奶

谷奶 - 真係超辛苦, 超痛.........
真係好想放棄.......

今日已經係第4日, 尋晚開始個胸好熱, 我都知係谷奶既徵狀, 都開心嫁, 有得谷即係代表有奶啦.......
之後個胸硬晒, 仲摸到週圍有好多一粒粒硬粒, 我都估到係d乳腺塞咗, 我已經好努力咁去同佢按摩, 希望可以令佢鬆番, 咁小寶就可以吸到奶奶........ 但可惜雖然係有d奶水流出黎, 但個胸仍然係好實.....

今日姑娘建議我主手揤d奶出黎..... 講就好似好easy, 其實係好難同埋好痛...... 痛到唔止係個胸痛, 連成個人都好唔舒服........ 我叫媽咪幫我揤....... 因為我諗住叫第三者揤會大力d, 好d, 點知真係好痛, 痛到我喊咗出黎...... 聽人講啱啱生完仔, 唔好喊, 但我真係好忍唔住.........

入院第4夜

今日係入院第4晚.........

由第一晚, 好緊張既心情.........

到第二朝, 超緊張.... 到aiden來臨既一刻, 簡直好似發咗一場夢咁........

我 - 出乎意料地打好咗好多針同插咗好多喉都唔痛........ 我慶幸我揀咗呢間醫院-仁安醫院, 呢位醫生-Dr Fok, 亦都好好彩地遇上呢位麻醉科醫生-Dr Yip, 因為我不嬲都認為一個有經驗, 手勢好既醫生, 真係好重要......... 整個過程只係用咗大概45mins (當然未計等, 冇錯, 做手術都要响手術室門口瞓响度排隊, 亦都可能正是因為咁繁忙, 所以大家都好快手)

Victor - 我終於感受到佢既不知所措, 緊張非常, 因為佢直頭係呆過我, 佢好似好多嘢都反應唔切, 好唔鎮定, 第一次做爸爸, 唔知佢個心情有冇我果個咁複習呢......

一切亦都好快過去, bb亦都順利出生, 3.41kg, 即是7.5lbs, 喊聲響亮........

但當落入爸爸既懷抱之中既時候, 呢個小寶貝竟然好似認得人咁收晒聲, 好感動呀, 因為佢認得爸爸, 真係好amazing~~

第一張全家福

Day 1 Aiden Iu

Day 2

Day 3

Check-in the hospital on Nov 10, 2009

Just checked in to the Union Hospital. 8:15pm check-in and it takes about an hour to do the registration and simple checking. I got shaved by a nurse and felt a little weird about it although I have had a mental prep already.........

The Last few hours Aiden still in me, I really love the feelings he's inside me, every movement he made was so strong, I heard that people would forget such feelings after the labor but I really hope that I could remember this feeling forever!!!!!
At last before daddy needed to leave, daddy held mommy's belly and said to Aiden:

Siu BO, it's the last night you are in mommy's belly, please be good to mommy and we'll see tomorrow morning.......

After daddy left, aiden did not stop kicking......... giving mommy the last memory of your movements?? you're so great!! I love you so much and we'll see soon........ the first thing I'll do besides crying, is to say "hi" to you, remember we're practising it lately?? Would you smile to me when I just say "hi"??? Please, please do that my good boy~~

最後的大肚照

10-Nov-2009 (Week 38)

Belly: 42"

Weight: 152lbs

呢幾張係最後既大肚相了, 明天便是aiden來到這個世界既大日子, 我同victor都好期待......

我仲開始緊張, 開始失眠添......

今晚8pm就會入醫院準備, 明天8am就開始做手術, 希望daddy你會早少少黎, 唔好遲到呀...... 手術唔等人嫁........ 你唔好諗住我一定會同你生多一個你一定仲有機會, 未必嫁~~

Last Sunday before aiden comes out

今日係aiden出世前既最後一個星期日, 當然要好好把握! 我原先希望同老公去赤柱走一轉, 點知俾佢refuse咗, 話遠得滯, 危險喎...... 佢提議去西貢..... 又好!!!

我真係好想响最後既呢幾日影番幾張大肚相做留念, 因為話晒都唔知仲會唔會再生第二個...... 而一直由有咗到而家就黎生得, 我都冇乜點影相, 頭3個月因為個樣勁殘, 真係影咗都會delete咗佢, 冇眼睇嘛, 自己都真係唔係好想見到...... 到後期又肥又豬咁, 都好少影, 係影下個肚update下個肚大咗幾多, 全部飛晒個樣....... 最後呢幾日反而真係真係好想影低自己大肚既樣......

今朝一起身, 個天色已經唔多好, 天陰陰好似想落雨咁......

但老公都堅持出去行下, 咁首先就係去咗洗車先, 架車污joe到嚇死人, 我beg咗老公好耐, 佢覺得洗車好waste time........ 最後我擺咗aiden上枱, 我話要洗乾淨架車黎welcome our first baby, 佢先至的起心肝去car wash

洗完架車, 真係舒服晒, 跟住就按計劃入咗西貢, 點知一入到去就落起雨上黎, 我唔理啦, 一定要去食我既favorite 魚蛋, 4粒唔夠仲encore咗4粒, 再加3舊矮瓜, 真係yummy~~

食完魚蛋, d雨冇停到不突止, 仲越落越大..... 搞到我都冇晒mood, 唔好話影相, 連行都辛苦, 又要就住, 又驚滑倒, 所以就走喇! 老公提議番屋企樓下影...... 都好啦! 嘩, 真係番到去就冇雨落....... 真係搞笑!!

aiden出世前既最後一個sunday就係咁過咗喇, 仲有2日咋, can't wait~~~

讓小嬰兒不哭的方法

Stretch Mark

今日, 終於鼓起勇氣, 將絕對代表母愛既偉大同犠牲展現出黎俾大家睇, 希望你地唔好留言! It really hurts~~

aiden baby, one day when you see these pictures here, or when you see the marks on mommy's belly, I'll tell you it's "Mother's Love". daddy said mommy was stupid while mommy has cried for serveral times, he doesn't understand! I hope you will be an understanding person than your daddy. Would you?

Last Check-up before Aiden's birthday

37w1d
aiden weighs 3.2kg = 7.04lbs
mommy weighs 68kg = 149.6lbs

Compare with 2 weeks ago, I only gained 0.2 kgs, well I ate alot, don't understand why?????

Aiden gained 0.2 kgs as well, maybe my 0.2 kgs are all Aiden's........... hehehe
AIDEN'S PROGRESS:
31w1d 1.9kg
33w1d 2.38kg (+0.48kg)
35w1d 3kg (+0.62kg)
37w1d 3.2kg (+0.2kg)

I thought it'd be a rapid stage in the last month, howcome it tends to slowing down?? Maybe I should eat more..... however I think I'm fat enough, start worrying how to lose weight in the following few months......

Next week this time, Aiden has already come out : ) baby we'll meet up very very soon......
and at the same time, I think I'd be suffering from the incision : ( worrying....... but don't!! I have to be tough, otherwise the people insist me to give natural birth will look me down!! CANNOT LET IT HAPPEN!!!!!

First Day of Maternity Leave

今日係第一日放產假........

零晨5點醒咗, 瞓唔番, 背脊痛...... 後來唔知幾點....... 瞓番...... 鬧鐘依舊8點響, 我明明叫咗隻豬起身..... 但到我再醒既時候(9點), 隻豬依然仲豬緊....... (平時通常係我起身先, 去晒廁所出黎, 佢就會自動起床, 唔駛點叫) 咁我放假, 冇奶由又係我起身先嫁....... 真係唔知想點, 結果我放假既第一日, 老公就要遲到........

起身後, 等老公出咗門口, 我就開始換床單出黎, 開洗衣機洗衫洗床單, 拎個吸塵機出黎, 清潔間房, 跟住換番新床單, 就去吸埋全屋既塵..... 吸塵真係好玩........
雖然做咗成朝家務, 但我一d都唔覺得辛苦..... 而且仲覺得呢個全職家庭主婦感覺好正......

做咗咁多嘢都只係11點幾, 跟住有d肚餓先發現自己成朝只係飲咗一盒奶, 咁就去叮番尋晚食淨既西蘭花, 食完再check咗一陣公司email, d衫就洗好, 跟住我將d衫曬好, 就準備出街買嘢食.....

唔洗番工d時間寧舍好駛...... 天氣又清涼, 好舒服, 今日係一個好好既開始......

10 days count down

今日係生b前倒數10天, 亦係生b前倒數第2個sunday!
同老公去咗大學站Hyatt Hotel食lunch buffet, 好好味, 好舒服, 好飽, 有咗之後第一次食buffet, 因為之前有好多嘢都唔食得, 但last 10 days, 乜都唔理lu, 想食乜就食乜, 但好搞笑, 臨尾諗住嘆下ice-cream, 事緣有個人 (四眼仔) 佢負責幫人筆雪糕.........

四眼仔: 要咩味?
我: 朱古力同士多啤利吖唔該 : )
四眼仔: 係咪自己食?
我點頭: 係.... ?????
四眼仔: 你唔好食咁多....
跟住四眼仔筆咗兩小球俾我.........
四眼仔: 筆細球d俾你, 你唔好食咁多...........
我O咗咀......... 拎住碗ice-cream mini番埋位, 扁晒咀咁同老公講呢單嘢, 佢話一陣再幫我攞過......

真係想投訴佢歧視大肚婆...... 不過算.....

我今日心情極好, 因為一餐食得好開心既午餐, 好relax既sunday, 星期日其實就係應該咁樣過!!! Thanks babe~~

臨尾香

唔希望會發生既事, 終於都發生咗!

last nite (36w2d), 發現個肚生咗d妊娠紋 (at lower abdomen), 好紅的, 一點點 (大點), 唔知可唔可以話一撻撻呢, 總之.......... 好核突.......... 好恐佈..........

係victor發現的 (我成日都叫佢幫我檢查住) 但前幾日都冇嫁, 估唔到尋日再check就有喇, 佢仲影埋相俾我睇, 然後我忍唔住留咗幾滴眼淚...... 因為實在估唔到係咁肉酸................

我一直以為自己可以偉大到"絕不介意", 應該可以接受得來, 我成日叫佢check住, 雖然冇, 但我都同自己講: "遲d就會有嫁喇!" 我希望早d令自己會接受到, 同埋希望俾個心理準備佢....... 但當d紋真係走咗出黎既時候, 原來真係幾咁難以接受........

就只係剩番12日, 點解連呢12日都守唔住呢??? 呢d係咪叫"臨尾香"???

我有諗過影張相post上黎, 但又真係有點兒過唔到自己, 如果post咗上黎呢度, 我諗我呢度要關門大吉, 唔可以再share俾朋友睇, 免得嚇親人呢.............

王永慶的一席話

王永慶的一席話

一根火柴棒價值不到一毛錢, 一棟房子價值數百萬元 ..

但是一根火柴棒卻可以摧毀一棟房子

可見微不足道的潛在破壞力, 一旦發作起來, 其攻堅滅頂的力量, 無物能禦~

要疊一百萬張骨牌, 需費時一個月

但倒骨牌卻只消十幾秒鐘

要累積成功的實業, 需耗時數十載

但要倒閉 ,卻只需一個錯誤決策.

要修養被尊敬的人格, 需經過長時間的被信任

但要人格破產卻只需要做錯一件事.

一根火柴棒, 是什麼東西呢?

它就是下列四項:

1.. 無法自我控制的情緒

2. 不經理智判斷的決策

3. 頑固不冥的個性.

4. 狹隘無情的心胸

檢查看看,我們隨身攜帶幾根火柴棒?

~ 共勉之 ~

Week 36

New pictures of my big belly~~

it's week 36 today, and only 14 days more to go, Aiden will be coming out to this world!
only 3.5 days to go, my Maternity Leave will start!

Sooooooooooooooooooooooooooooo

~~~excited~~~

very ugly belly button~~~ very black!!!

bb床+小1插曲

終於響上星期五晚收咗張bb床(屋企果張), 附送小插曲一則~~

話說間網上商店個老闆自己親自送貨, 咁佢個老婆就一齊黎送貨啦, 老闆娘中途發現個收貨人個名(即係我)同佢一個舊同學一樣, then佢就以為我係佢果個舊同學仲帶埋隻狗上黎算同我相認......

而我諗住收貨呢d咁簡單既工作, 交俾老公應該應付得來, 我咪去沖涼囉..... 點知沖沖下涼電話響, 個老闆話去到門口ring bell冇人應門...... 咁我只好在沖到一半既情況下赤條條咁走出去半開房門叫我老公去收貨...... 點知聽到個女仔話識得我, 叫周寶珊............. 周寶珊???? oh sorry, 我真係冇印像有個舊同學叫周寶珊, 就算有呀, 都唔慌熟啦...... 而且當時既環境係我沖涼沖到一半, 仲要赤條條, 唔通我走出黎同你相認咩~~~ 我嗌出去話我唔識得一個舊同學叫周寶珊喎.... 點知個女的仲話: 吓, 唔識? 你扮嘢呀???

嘩..... 真係火都黎埋, 我駛扮嘢?? 最攞命係我老公竟然一口咬定果位小姐係我同學, 仲走黎兇我話人地真係講得出你個全名喎..... 大佬呀, 我上網買嘢係provide full name既, 咁知我全名有咩咁奇啫..... 佢仲係都要話果個係我同學, 仲好似想我出去同佢相認咁...... 真係想死~~~

我都有你冇理, 沖埋果半個涼先....

沖完涼出黎打番俾個老闆, 再同佢老婆對話....... 原來佢真係有個舊同學同我個中文名一模一樣, 最估佢唔到係連英文名都一樣........... 真係幾咁萬中無一..... (我個名唔係陳大文喎, 係連慧雯吖嘛, 係咪好萬中無一先, 可能未必全部字一樣, 但英文譯音一樣囉)

呢d咁既"巧合", 都真係唔怪得佢會有咁強大而且一睇就覺得"一定係"既反應........ 我仲問佢係邊間學校既同學呀, 佢話"利記", 我仲問佢"利記"即係咩, 我心諗我幼稚園到中學都係"德記"喎..... 真係太太太太太太搞笑..........

最搞笑係我老公, 佢只係不停咁強調對方好斯文, well咁斯文唔可以認錯人既咩?? 做乜乜都一定係個老婆錯先得, 人地認錯人唔得嫁咩...... 激死人喇~~~

當晚我都急不及待咁要砌張床, 砌就砌咗, 不過可以adjust高度果邊個欄較上較落有問題, 唔知我係咪做錯咗一d步驟呢??? 今日都係要舅舅黎fix番.... 真係唔好意思喇, 仲諗住唔麻煩佢添, 見佢上次砌得咁easy......

留給最愛的說話

小寶/aiden,

aiden 係daddy同mommy為你改既第一個名, 小寶係後期先叫, 因為mommy想你個中文名裡面有個"寶"字, means 你係mama既寶貝!!!

仲有唔夠3個星期, exact d係18日, 你就會降臨呢個世界上! 我同daddy都非常期待呢一日!! 由呢一日開始, 我地所做既一切, 都會以你行先! 我地承諾過對方, 要給予你最多最豐富既愛, 但並不等如我地會縱容你! 響你長大既過程裡面, 可能你會發現我地對你好嚴厲, 其實我地既出發點都係為你好, 我地希望你响discipline既環境之下長大! 希望你從小能夠培養出良好既生活習慣, 做人宗旨, 響將來你成長既過程之中有絕對既能力去照顧自己! 呢個係我既目標!

我唔需要你有好大既成就, 我只希望你會係一個身心健康, 正直善良既人! 而且時常保持笑容, 樂觀開朗!! 人既一生係冇完美, 人生總會有好多挫折, 我好希望你將來遇到挫敗既時候, 你可以樂觀, 正面咁去面對!

到咗你teenager既階段, 可能你已經唔會再認同我同daddy所講既嘢, 可能你已經有你自己既諗法, 可能你會覺得我好out, 或者好長氣, Fine, 我會明白既! 只希望你會記住一點 - you're my son and I'll love you forever!!

響你成長既階段, 你會不斷認識新朋友, 朋友有好有壞, 各有特性, 你一定要嚴選你既朋友, mom會提醒自己唔應該去干涉你識朋友, 但你一定要make sure you know how to protect yourself in all ways! 十年後既社會會變成點我真係無法想像, 但今天2009年成個社會既風氣就已經係好差, 青少年問題非常嚴重, 但我同你daddy都積極地向好果方面諗, our son will do well!! 希望你識得分辦是非好壞, 知道自己應該做乜同唔應該做乜!

到你再大少少, 你會識女朋友, 女朋友只係你人生之中既過客, 得失唔好睇得咁重!! 你將會有好多好多個女朋友, 但我希望你係一個接一個, 要尊重女性, 唔可以隨便傷害人! 娶老婆唔駛咁早, 首先你要有能力照顧自己既生活, then你要確定你能夠提供優良既生活俾你既伴侶, 最後先好考慮同居或者結婚! Daddy Mommy 都商量過, 當你長大成人, 成家立室, 我地會俾你十足既空間, 唔需要你&你既伴侶同我地一齊住一齊生活, 但我仍然希望你會時常番黎屋企探我, 因為我會每分鐘都掛住你!!

好似一講就講到三十年後, but time really flies......

CheckUp - 35w1d

This was the 2nd last checkup before aiden comes out. The last one will be on Nov 4, it will be 37w1d and I'll have C-section on my 38w1d, as scheduled.

Aiden is growing up rapidly, and he weighs 3kg, means 6.6 lbs today............. his tummy was measured as week 38 (wow.... 3 weeks larger than normal, a bit "too much")

Victor went with me today, he was shocked when he saw aiden again (last time was 27week taking the 4D pictures), he grabbed my arm when he saw aiden on the screen at the first capture.........
after we walked out the doctor's room, we sat down and waited for making next appointment, he said to me that it's really a big difference in 2 months..... he can't believe that aiden is so big now and he can see aiden's face clearly (but I don't, indeed), I always think that it needs hugh imagination!!! Anyway, I can see from his eyes that he feels pretty touching, I was surprised about what he said, and really really don't know if he would really cry at the time he sees aiden coming out........

Conversation like this:
Victor: 個衰仔真係大個咗好多呀!
me: 吓?
Victor: 比起我上次見到佢, 個樣出晒黎, 仲幾靚仔添!
me: 吓? 你點睇到呀?
Victor: 你睇唔到咩? 頭先一開始果時我已經睇到晒佢成個輪廓!!
me: 吓? 加埋你d想像力咋? 我真係唔識睇喎!!!!
Victor: 你有冇搞錯呀???!!! 咁都睇唔到??????
me: 做咩呀你, 眼濕濕咁, 好感動呀?
Victor 尷尬
me: 咁都感動, 咁真係到生出黎果時你估你會唔會喊咗出黎?
Victor 點頭
我心諗: 我實喊到豬頭咁, 如果你又喊埋一份, 果張第一幅全家福真係不堪設想...........

可能我低能啦, 醫生話果度係眼咪係眼囉, 鼻咪鼻囉, 口咪口囉....... 但我真係睇唔出成個輪廓囉..... 你遲d再拎住d相問我, 我都驚我醒唔起邊度係邊度喎 haha.........

我懷疑佢係有少少冇諗到, 佢晚晚摸住, 同埋鬧住既衰仔, 原來已經咁大個, 而且仲响3個禮拜之後就會見面, 到時可以真正touch到, 仲可以擁抱到....... 其實真係未出發先興奮....... 3個禮拜咋..... 唔知我會由幾時開始失眠呢?????

Week 35

Today - week 35!

3 weeks later, I shall give birth to aiden. Count Down started......

HAHA~~ Guess how many pounds he weighs at birth?? Ummm..... I guess not less than 7.5 pounds......

Finally we picked the cot for aiden for our own home use, this one:

Minimoto cot in Expresso

Delivery on Saturday, and 舅舅 will have it installed, thanks 舅舅, this is the second one already!!

Last Sat, I bought aiden cute beddings too!

"Fun at Zoo" bedding set from MOTHERCARE - bumper, 2 bed sheets, fleece blanket & quilt

But the saleslady said that the blankets and the quilt can only be used after 1 year old....... I was wondering - then what should my baby use from new born until 1???? She responded: BABY SLEEPING BAG~~
OKEE!!! Auntie Mika had bought us one sleeping bag from Shanghai and now we have to buy one more using at our own home!! Well GROBAG again? Oh! Very Expensive!!!
Every baby is using the quilt, what's the problem of using it?????? Anyways, will go get one more sleeping bag soon...... cuz I'm running out of time!!!! I really want to get everything well prepared before my baby comes out! I have to try my best, cuz no one can help me out during my rest!!!!!

hospital bag - actually packed, but borrowed the bag to coworker for a business trip just now and have to re-pack again when she's back to HK next week.
Should I use a paper bag to put everything into it tonight first in case of preterm labor....... hope not but I'm really worrying about it now!!