由於我要番屋企坐月, 媽咪同哥哥為我同aiden做咗好多嘢, 我覺得好感激......
佢地做咗d小裝修, 買咗新床係for我瞓, 同埋清咗房裡面d什物, 要騰出空間俾我同aiden, 我唔知講乜嘢好, 我覺得好warm囉~~~~~~~~~~
有部份什物係我既, 有部份係霖霖既! 霖霖既嘢冇人敢掉!
二哥哥sms過佢叫佢番黎執番自己D嘢, 佢唔覆!
媽咪打俾佢, 佢好似好忙咁, 咁媽咪就話, 你得閒先打俾我啦!
LAM: 我唔得閒嫁喎!
MOM: 咁你收工打俾我囉!
LAM: 收工我都唔得閒!
MOM: 咁你得閒番黎執下你D嘢, 睇下仲要唔要!
LAM: 我唔得閒!
LAM: 咪掉晒佢囉!
MOM: 咁好吖, 掉晒佢囉! ................... (MOM收線)
霖霖即刻打番黎
LAM: 你好冇禮貌喎, CUT人線!
MOM: 都冇嘢講咪收線囉!
...............
咁唔得閒都要打番個電話黎話自己阿媽冇禮貌, 你都好好笑好FUNNY囉!!!!
媽咪好hurt呀, 佢話佢都唔打算同我講, 驚我聽完會好嬲, 係呀, 我真係好嬲!!!
點解你對外人就可以好好? 對自己屋企人就可以咁, 不聞不問都算, 講嘢唔駛咁囉!!
响FACEBOOK講到自己幾慘幾可憐, 你俾人恰就得? 就心安理得?? 就認命???
呢個係你媽咪, 生你出黎既真媽咪, 你點可以咁樣對佢??
你呢個自私自利既人, 我覺得有你一個咁樣既家人, 真係好可恥!!!
Subscribe to:
Post Comments (Atom)
No comments:
Post a Comment