血糖超標 2

尋日都冇心機再寫, 今日既心情先平伏番少許........
尋日6點幾收到醫院電話, 個腦都好亂, 因為當時正在瞓覺....... (諗住偷得浮生半日閒, 都只係五點幾開始瞓咗一陣)........... 姑娘話8.3唔算好嚴重, 醫生建議1)要注意飲食, 2)見營養師
都冇問清楚d乜嘢就駁咗個電話過去營養師果邊........

收線後都忍唔住流咗幾行眼淚....... 我係擔心aiden既健康吖? or為咗我從此不能再大吃大喝而感到傷心呢? 要跟營養餐單食, 即係相等於每餐都食唔飽, 食d嘢好麻煩好難prepare, 唔駛再諗我懷孕後既至愛 - ice-cream! (因為daddy一定唔會再俾, 一啖都唔會再有...........)

尋晚victor都好夜先收工, 佢買外賣番黎食 - 粥
食完都好夜, 佢見我心情唔多好, 都冇乜問我嘢.
電視又冇乜嘢好睇, 我咪番入房上網........ 一邊响度諗, 咁飽不如落街行下, 但礙於baby-plus緊, 所以都係攤咗响床....... 冇幾耐, victor入房:

victor: mommy 不如早d瞓啦!
me: 啱啱先食飽, 點瞓啫?
victor: 你都係攤响度咋喎.......
me: ..................

跟住起身入廁所 - 喊
我覺得自己好可憐, 由星期日開始我已經同佢冇嘢講, 好冷淡, 但佢一d都冇發現到我有唔開心 (我已經唔記得係因為乜嘢事) 只係記得我係嬲緊佢囉........... 當我冷靜番少少出番廁所之際, 我發現佢仲坐咗响床(因為我以為佢已經出番廳, 因為响果個時間佢仲未開始打機, 每晚都要打番一陣先瞓), then我關咗電腦入廁所梳番個頭就落咗街行下, 我真係唔可以再坐响度對住佢, 唔知講乜好..........

落到去行下行下, 令我諗起好多舊事, 其實我真係好鐘意佢, 點解我要成日嬲啫, 佢對我又咁好, 係有時煩d啫..... (可能佢都係咁諗我)........... 跟住心情好番d, 我就番咗屋企!

點知........
又開唔到門囉!
個鎖好有問題, 但鎖果個鎖既人更加有問題, 因為次次都係佢鎖先會有開唔到既情況發生!!
入到屋, 我都忍唔住要發爛渣........ 我只係落一落街啫唔知點解要鎖門......... 佢仲要話佢冇鎖到門喎........ 哼!!! 唔係你鎖唔通有"咩"呀???
跟住我又要入廁所冷靜我自己........
跟住係好耐都瞓唔著......... 因為擔心緊自己既糖尿問題................

今朝, 佢先問我尋日睇醫生既情況, 當我同佢講bb有3磅幾既時候, 佢好開心囉, 因為2星期前睇Dr Mo都只係2.5lbs, 係3磅幾我唔記得咗問醫生, 當時飲完兩杯糖水個人已經唔係幾妥當好似想嘔咁......
佢就開心但我反而擔心既係29w1d就咁快3磅幾, 會唔會關d糖尿事呢? 因為糖尿係會令到bb過重的........ 其實糖尿真係不容忽視......... 但我又有少少唔知應該點做好, 好無奈..... 而家唯有星期六去見一見個營養師....... 睇下個餐單咩料先!!