Bean Stalk VS 和光堂

好頭痛好頭痛!!!
尋晚同老公去咗Jusco, 諗住襯減價買定一罐奶粉看門口 (因為諗住試餵人奶, 但驚冇乜又或者太tired時可以補少少奶粉), 一心諗住買森永細仔 (Uncle Henry 都係俾 晢仔食森永, daddy想跟), 跟住去到Jusco有個"好有"禮貌既阿姨話森永細仔冇做promote........ blablabla, 佢係sell 和光堂的, 但佢講黎講去都只係果幾句 - 係日本奶粉, 歷史悠久....... 並冇詳細介紹呢隻奶粉有咩好........ 最後佢叫我自己上樓上睇, 我指一指二樓, 問佢係咪果度, 係咪超市, 跟住佢同我講話我地呢度係吉之島 (我心諗, 你白痴, 定當我係白痴)
嬲到我震, 老公只叫我唔好為咗呢d阿姐而動氣............ 我一心係想去買奶粉的, 但最後都係買唔到, 買咗d濕紙巾(抹bb pat pat), 計埋之前上網買的1 pack (3包/pack) aprica, 尋晚買咗2 packs (3包/pack) nuk, 再加2 packs (2包/pack) minimoto, 都應該夠aiden豬用一頭半個月既...........

番到屋企即刻上網睇下和光堂咩料先, 原來都好多媽咪激讚喎........ 响網上讚森永, 明治既媽咪都好多, 但彈既亦唔少, 反而和光堂都係讚多!!
睇下睇下, 又有媽咪激讚Bean Stalk.......
唉........ 自尋煩惱~~~~
我知奶粉都要夾番個bb, 所以我都諗住買一罐試下先啫...... 咁試Bean Stalk好定和光堂好呢??

Bean Stalk VS 和光堂

Bean Stalk
成份：乳清粉,植物油(椰子核油,黄豆油,椰子油,月見草油),乳糖,蛋白質濃縮乳清粉,酪蛋白,黄油牛奶粉,精製魚油,核醣核酸(RNA),炭酸鈣,塩化鈣, L-精胺酸,檸檬酸第一鐵鈉,硫酸鎂,維他命 C,炭酸鉀, L-胱氨酸,牛磺酸,維他命 E,硫酸鋅,胞核甘酸鈉,菸鹼酸氨基,泛酸鈣,硫酸銅,尿核甘酸鈉, inosinate酸鈉,維他命 A,維他命 B6,鳥糞核酸鈉,維他命 B1,葉酸,胡蘿蔔素,維他命 D3
食用方法：例如要開調100ml的奶,先放入50ml的50℃暖水,再加入5平匙奶粉攪拌(一匙奶粉約2.6g),最後再加入餘下暖水直至100ml為止.

和光堂
成份：乳糖,蛋白質濃縮乳清粉,脱脂奶粉,椰油,全乳粉,椰核分別油,黄豆油,果寡糖液,葡聚糖(澱粉糖化物),精製魚油,炭酸鈣,塩化K,卵磷脂,檸檬酸鈉,塩化鎂,維他命 C磷酸鐵,牛磺酸,維他命 E,硫酸鋅,胞核甘酸鈉,菸鹼酸,泛酸,維他命 A,硫酸銅,inosinate酸鈉,尿核甘酸鈉,guanylic酸鈉,5-AMP,維他命 B6,維他命 B1,維他命 B2,葉酸,胡蘿蔔素,維他命 D,維他命 B12
食用方法：例如要開調100ml的奶,先放入50ml的50℃暖水,再加入5平匙奶粉攪拌(一匙奶粉約2.6g),最後再加入餘下暖水直至100ml為止.