一踏入十月, 距離生產既日子彷彿又走近了一截.........
尋晚同victor講, 我要做一個月既皇后(因為已經最後一個月了, 可能好多朋友都以為我已經做咗7,8個月皇后, 其實呢個諗法真係大錯特錯囉!!!)
呢個月我係乜嘢都唔會做~ 唔駛做~~ 唔需要做~~~
佢點頭示好~~
只不過, 另一方面, 踏入十月, 就係我被"禁足"既日子既開始, 咩叫"禁足"呢? 即是好似小朋友做咗錯事, 跟住父母唔俾佢出街, 佢只可以响屋企隻窗度望出去睇住其他小朋友玩咁, 就係"禁足"喇! 至於邊個要禁我足呢? 答案都呼之欲出啦, 無謂開名啦.......
今日係32w3d, 其實呢8個月 (32w=8個月少dd, 1month=4week, 1week=7days, total係224日, 除番30day/month = 7.466666666666 months.........) 唉, 越講越複習, 算啦, 總之跟本就冇十月懷胎呢回事, 雖則只係9個月度, 但時間確實係過得好快好快.......... 尤其是last 呢幾個月, 我深信呢個皇后月會過得更加快!
基本上, 心理上應該係已經ready, 但實際上, 心理上其實都仲係好慌!
victor既心情又如何呢? 呢個我更加難以捉摸! 因為佢係從來唔會(亦唔打算)表露出黎俾我睇! 一直以黎佢都係非常之咁冷靜, 但我"估"佢應該都好緊張(佢不嬲都怕死過我嫁嘛)........ 係啦, 我不嬲都冇咁細膽, 唔知點解今次會咁失威!! 唓, 唔係佢生佢緊係冇我咁驚啦^^^ 唉..... 我個思緒都開始好混亂, 諗嘢都開始唔make sense, 都係算吧啦~~
中秋節咁啱係星期六, 加埋星期日連放兩日假, 真係happy^^ 聽日等我影下個肚仔update下先!!
Subscribe to:
Post Comments (Atom)
No comments:
Post a Comment