人地話...... bb頭六個月有mommy既抗體, 所以冇咁易病.......
我一直都有擔心, 呢個講法係咪真既呢....
aiden剛過咗6個月都未夠一個星期, 就病倒了.....
首先, 係咳...... 我都不以為意, 以為佢食手指食得太狠, 嗆親.....
到尋日朝早, 婆婆打俾我 (一朝早接到婆婆既電話果一刻, 內心真係打了個震, 因為婆婆平時係好少打黎, 一定發生咗事.... 係咩事呢?) 原來小寶豬一起身就打咗個乞嚏, 跟住成抽鼻涕, 又有咳.... 婆婆就話要帶佢去睇醫生...... 咁當然, DADDY同我都認為早D睇醫生好啦......
醫生既檢查結果係, 佢都唔係好嚴重, 冇發燒, 咳呢就係被人傳染既, 跟住誘發出傷風.... 開咗3支藥水俾佢 (1粉紅, 1黃, 1透明)..... 5日藥, 如果好番就唔駛食......
尋日食咗2次藥水, 2次都喊到癲咗.... 第二次係一見到D藥水樽已經開始喊..... 真係陰公豬.....
尋晚我放工番去, 見到aiden個樣, 好攰好病咁..... 都好心痛.....
佢既咳原來比前一晚嚴重....... 水汪汪既眼晴, 叫媽媽望到心都痛......
今朝, 咳得更嚴重, 送埋痰痰添.....
一起身, 見到我, 都有笑一下, 我同佢講: 寶貝豬, 要加油啊, 要快d好番, 你病病媽媽都好心痛.... 跟住個衰豬就扁扁咀..... 好慘慘咁..... aiden, you're so cute...... 希望你快d好番啦~~
