農曆新年假期話咁快就開始咗, 今日已經係年初三既尾升...... 之前一直擔心既問題都算叫做沒有預期中麻煩, 所以我亦都冇乜點抑鬱到, 反而係好攰好攰, 可以話係超攰...... 終於feel到婆婆要湊住呢隻小鬼真係唔容易.... mom I love you!!!
年卅晚去咗家池舅公九肚山屋企食團年飯, 係aiden第一次接觸DOGS, 仲係大dogs...... aiden boy, Tiger同Happy係feli舅婆既愛犬, 佢地都好乖嫁, 將來仲有好多機會接觸佢地, 你要大膽d, 媽咪一定會陪住你同保護你嫁, 唔駛驚!!
年初一先响屋企同grandma拜年, 食過年糕呢d應節嘢, 下午又去咗舅公屋企拜年, 夜晚就去咗細姑婆度拜年, 你都玩得好開心呀!!
年初二响屋企同grandma玩, 到下晝成5點幾先出門口去婆婆屋企拜年, 呢幾日唔知係咪天氣太凍呢, 你都好渴睡喎.... 番到婆婆度都係咁瞓, 飲完8點半餐奶, 9:15pm我地就番屋企, 你一路瞓冇起到身直至第二朝6:45am, 真係好好瞓咁bor.....
年初三, 即係今日, 你飲完第一餐奶, 玩咗一陣, 就再瞓一直瞓直到第二餐奶, 食完你就同grandma玩咗一陣我地就去咗uncle henry屋企拜年, 仲响果度剪咗你第一個髮..... 係auntie natnat幫你剪嫁, 佢仲好好人應承以後你有需要剪髮都可以搵佢, 實在太好了! 今日只係剪咗兩邊既長長頭髮, 剪完即刻靚仔晒..... (haha 媽咪終於都讚你靚仔喇) 當時媽咪抱住你, daddy又濛弊弊唔識同你影相, 係剪完auntie natnat幫你影咗張相, 希望佢快d send俾mommy, 咁就可以post出黎!!
好喇, 11:45pm夠鐘食奶喇, 我打算整醒你食奶, 希望你明朝可以瞓晏d, 等daddy mommy可以瞓番覺好嫁啦~~
Subscribe to:
Post Comments (Atom)
No comments:
Post a Comment