今日真係幾唔開心.....

今日真係幾唔開心.....
為咗工作, 已經嘈過好多次, 大家既想法, 觀點差距越來越大.....
我工作只為出糧, 只為養起自己, 養起個仔, that's it! 所以我只求一份穩定既工作..... 我份工要番5.5days, 有時需要OT, 但多數係等人收工先遲走..... 我認為我好多時可以响7pm前走囉! 我對而家既工作滿意!

你做得好辛苦, 工作量大, 得不到認同, 經常俾人差遣, 同時又被老細不斷要求你要做得更好..... 但人工只停留在你認為偏低既水平.... 你認為你應該得到更多..... 當然作為你既另一半, 唔應該去批評你既諗法, 應該要支持你.... 我自問係有做, 只係你覺得大家做埋同一間公司, 好多時意見會不合..... 你覺得我應該要離開....

問題唔係出於我身上, 係出於你身上, 你對現狀不滿, 我離開, 唔等於可以解決你現時面對既問題, 你會繼續不滿, 我地會繼續討論, 意見繼續不合, 咁等於可以解決問題嗎?

走既人應該係邊個? 呼之欲出.....

如果你afford得起, 如果你覺得你離開呢間公司去第二間公司做或者出去出面試會好過而家, 開心過而家, 唔駛再受氣, 咁你咪去做囉! 唔好再將我變成你既發洩目標...... 我都有壓力, 我都好累, 點解永遠都係要我去體諒你, 你唔可以體諒下我?

first time going to TST

Last Saturday Jan 16, aiden's first time going to Tsimshatsui, mommy helped him dressed up...... his first time putting on jeans!

He was wearing a hat and didn't feel like comfortable, getting very grumpy everytime when mommy put the hat on him wahaha.....

but I really feel that aiden looks cute wearing a hat!!!

aiden's looking at his daddy and laughing, he looked so happy~~

"dada, 我好乖呀, 可唔可以食sushi?"

2 months and 3 days

今日婆婆帶咗aiden去健康院磅重, 去診所磅係好唔準好求其既, 去健康院係最準, 因為要除晒所有衫包括片片....
today weighs 6.01kg = 13.222lbs, 姑娘話唔算重, 正常!!
去健康院除咗磅重, 仲會按時跟進下佢各方面既發展, 今日check咗佢腳既關節, 活動正常, good!!
下次再去健康院係個4個月大...... 到時唔知會唔會超重呢??

復工第3日

復工第3日, 終於都squeeze到少少時間上黎update下.....

唔知呢d係咪叫lucky呢, 第1&2日都可以6點幾收工番去睇仔, 因為老細响我復工第1日就make咗個short trip to Vietnam....... thanks boss!!
放工番婆婆度睇仔, 食飯再番屋企都已經冇乜時間剩, 沖完涼都係時候瞓覺...... 想print d bb相出黎拎番公司對住都冇時間...... 唯有等sunday再做呢樣嘢啦.....
之前響度幻想自己復工後要培養早起身番工, 兼早起身落街做下運動既習慣, 好可惜呢3朝都極唔願意起身, 我既excuse係天氣太凍, 實在太難做到........ 寄望之後可以做到啦......

新年前都已經諗過下新一年有咩resolution, 而家就襯呢個機會訂下目標:
1) aiden健康成長, 做一個開心寶寶
2) 減磅至11x磅, 我都唔敢奢望去番113lbs, 119lbs我都收貨, now still 130lbs :(
3) 2010年可以去到1個短線旅行, 暫訂taipei, April, 3 days(3日已經好掛住個仔啦)

不經不覺已經2個月了.....

不經不覺aiden已經2個月大了, 我感覺艱辛期已逐漸遠去, 因為呢隻豬仔開始識聽人講嘢, 唔會再好似初生時咁係又喊唔係又喊佢有佢喊你有你唔知佢喊乜..... 同佢傾偈佢會好鐘意聽, 同佢玩佢又會同我笑, 真係太美妙...... 有時仲會笑到kaka聲, 真係太太太太太得意了...... 終於開始感受到有趣既部份, 可惜已經到咗復工既時候, 相信我一定會好唔慣同埋會好掛住粒仔.....

aiden boy, 希望你唔會怪mommy要做工而冇好好咁陪伴住你成長, 我一定會盡抽時間去陪你, 婆婆一定會照顧得你好好嫁, 你千祈唔好蝦婆婆, 要蝦既你就蝦mommy啦!! mommy睇住你呢兩個月慢慢咁長大(其實都長大得幾快), 真係覺得好奇妙, 你而家就只係瞓咗响我隔離, 望住你, 我真係覺得好幸福, 希望你蝦我既時候會手下留情啦...... 蝦還蝦, 千祈唔好hurt我呀, 我會好傷心嫁.....